सूर्य नेपाल गल्फ टुर २०२४–२५ भोलीबाट हुने

सूर्य नेपाल गल्फ टुर २०२४–२५ भोलीदेखि सुरु हुँदैछ । गोकर्ण गल्फ क्लबमा सूर्य नेपाल सेन्ट्रल ओपनसँगै नयाँ सिजन सुरु हुने भएको हो ।

 ४ दिन चल्ने प्रतियोगितामा ३३ जना व्यावसायिक र १२ जना एमेच्योर खेलाडी सहभागी हुनेछन् । शीर्ष २१ प्रो र ६ एमेच्योरले मात्र कट पार गरेर अन्तिम ३६ होल खेल्नेछन् ।

 प्रतियोगिताको विजेताले १ लाख ५० हजार, उपविजेताले १ लाख तथा तेस्रो हुनेले ७५ हजार रुपैयाँ प्राप्त गर्नेछन् । कट पार गर्ने प्रोले नगद पुरस्कार प्राप्त गर्नेछन् ।

 टुर अन्तर्गत यस सिजनमा ८ वटा प्रतियोगिता हुनेछ । कुल पुरस्कार रकम ६७ लाख ३२ हजार रूपैंया छ । टुरमा ३ ह्यान्डिक्याप भन्दा कम रहेका एमेच्योरले खेल्न पाउनेछन् ।