एनपीएलको टिकट विक्रि खुल्ला

यहि मंसिर १५ गतेबाट सुरु हुने नेपाल प्रिमियर लिग क्रिकेटका लागि टिकट विक्रि खुल्ला भएको छ । नेपाल क्रिकेट संघ क्यानले खल्ती एप मार्फट प्रत्यक्ष रुपमा मैदानमा गएर हेर्न चाहाने दर्शकका लागि टिकट विक्रि खुल्ला गरेको हो । कीर्तिपुरस्थित त्रिवि क्रिकेट मैदानमा हुने खेलका लागि क्यानले भिआइपी, साधारण र सिजनल गरि तीन प्रकारका टिकट विक्रि गर्ने छ । पहिलो दिन हुने उद्घाटन खेलका लागि साधारण तर्फ ३ सय र भिआइपीतर्फ ७ सय रुपैयाँ टिकट मुल्य तोकिएको छ । त्यसपछिका दिन हुने दुई खेलका लागि साधारण तर्फ ३ सय र भिआइपीतर्फ ५ सय रुपैयाँ तोकिएको छ ।

यस्तै प्लेअफ चरणका खेलका लागि भने साधारण तर्फ ५ सय र भिआइपी तर्फ ७ सय रुपैयाँ मूल्य निर्धारण गरिएको छ भने फाइनल खेलका लागि साधारणतर्फ ५ सय तथा भिआइपी तर्फ १ हजार रुपैयाँ तोकिएको क्यानका प्रवक्ता छुम्बी लामाले जानकारी दिए । यसैबीच क्यानले पूरै सिजन हेर्न चाहानेका लागि २० प्रतिशत छुट सहित साधारणतर्फ ४ हजार ४ सय ८० र भिआइपीतर्फ ८ हजार२ सय ४० रुपैयाँ तोकिएको छ । प्रतियोगितामा आठ टोलीलले प्रतिस्पर्धा गर्नेछन् ।