चर्च ब्वाइज युनाइटेडले जित्यो झापा कपको उपाधि

झापा कप फुटबल प्रतियोगिताको पहिलो संस्करणको उपाधि ललितपुरको चर्च ब्वाइज युनाइटेडले जितेको छ ।

बिर्तामोडको डोमालाल राजवंशी रंगशालामा आज भएको फाइनल खेलमा ‘ए’ डिभिजन लिगको च्याम्पियन चर्च ब्वाइजले न्युरोड टिम एनआरटीलाई ३–१ गोलले पराजित गर्यो । 

पहिलो हाफमा २–१ को अग्रता लिएको चर्च ब्वाइजले खेलको दोस्रो हाफमा थप १ गोल गर्यो । चर्च ब्वाइजको जितमा विदेशी खेलाडी अर्मान्डले २ तथा समिर तामाङले एक गोल गरे । एनआरटीका अन्जन विष्टले एक गोल फर्काए । 

जितसँगै चर्च ब्वाइजले उपाधिसँगै १० लाख रुपैयाँ जितेको छ । यस्तै उपविजेता एनआरटीले ५ लाख रुपैयाँ प्राप्त गरेको छ । मंसिर २९ गतेबाट सुरु भएको प्रतियोगितामा नेपालका ९ र भारतका एक गरि १० टोली सहभागी थिए ।