मच्छिन्द्र फाल्गुनन्द गोल्डकपको सेमिफाइनलमा प्रवेश

काठमाण्डौको मच्छिन्द्र फुटबल क्लब पाँचथरमा जारी फाल्गुनन्द गोल्डकप फुटबल प्रतियोगिताको सेमीफाइनलमा प्रवेश गरेको छ । 

फिदिम बजारस्थित फिदिम माविको मैदानमा आज भएको खेलमा सुनसरीको न्यु स्टार फुटबल क्लबलाई ६–२ गोलको फराकिलो अन्तरले हरॉउदै मच्छिन्द्रले अन्तिम चारमा स्थान सुरक्षित गरेको हो । 

मच्छिन्द्रको जितमा बिजु भुजेलले २ तथा आदित्य शाक्य, मनिष डॉगी, सन्दिप श्रेष्ठ र सौरभ शुब्वाले एक/एक गोल गरे । 

न्यु स्टारका सुशिल राई र सञ्जय श्रेष्ठले एक-एक गोल गरेका थिए । तेस्रो क्वाटरफाइनलमा भोलि काठमाडौको चर्च ब्वाइज युनाइटेड र बिराटनगर सिटि फुटबल क्लबबीच प्रतिस्पर्धा हुनेछ ।