चर्च ब्बाइज र विराटनगर फुटबल क्लब भिड्दै

पाँचथरमा जारी फाल्गुनन्द गोल्डकप फुटबल प्रतियोगिताको तेस्रो क्वाटरफाइनलमा आज काठमाडौंको चर्च ब्बाइज युनाइटेडले विराटनगर फुटबल क्लबसँग प्रतिस्पर्धा गर्दैछ । 

फिदिम बजारस्थित फिदिम माविको मैदानमा खेल दिउँसो साढे २ बजे सुरु हुनेछ । दुबै टोली अन्तिम चारमा स्थान सुरक्षित गर्ने लक्ष्यमा छ ।

यसअघि हिजो भएको दोस्रो क्वाटरफाइनलमा मच्छिन्द्र फुटबल क्लबले सुनसरीको न्यु स्टार फुटबल क्लबलाई पराजित गर्दै सेमिफाइनलमा प्रवेश गरेको छ । 

न्यु स्टारलाई ६–२ गोलको फराकिलो अन्तरले हराउँदै मच्छिन्द्र एघारौं संस्करणको फाल्गुनन्द गोल्डपको अन्तिम चारमा पुग्न सफल भएको हो ।