जय ट्रफी एलिट कप क्रिकेटः त्रिभुवन आर्मी फाइनलमा प्रवेश

जय ट्रफी एलिट कप क्रिकेट प्रतियोगितामा त्रिभुवन आर्मी क्लब फाइनलमा पुगेको छ । लिगको अन्तिम खेलमा मधेश प्रदेशलाई ८ विकेटले पराजित गर्दै आर्मी उपाधि नजिक पुगेको हो ।

आज खेलको दोस्रो दिन वीरगञ्जमा मधेशले दिएको २८ रनको झिनो लक्ष्य आर्मीले २ विकेट गुमाएर पार ग¥यो । त्यसअघि दोस्रो इनिङग्समा मधेश १ सय ५० रनमा अलआउट भएपछि आर्मीले २८ रनको लक्ष्य पाएको थियो । पहिलो इनिङग्समा मधेश १ सय २ रनमै अलआउट भएको थियो । त्यसअघि आर्मीले ९ विकेटको क्षतिमा २ सय २५ रन बनाएर इनिङग्स समाप्तीको घोषणा गरेको थियो ।

जितसँगै आर्मीले ५५ अङ्क पु¥याएको छ भने अङ्क तालिकामा शीर्ष स्थानमा छ । आर्मीले तेस्रो खेलबाट मात्र ३५ अङ्क जोड्यो । मधेशको तीन खेलबाट ३१ अङ्क भएको छ । उसले अन्तिम खेलबाट १० अङ्क मात्र बटुल्न सफल भयो ।