एन्फा महिला लिगमा पुलिसको जित

ललितपुरमा जारी एन्फा महिला फुटबल लिगअन्तर्गतको खेलमा विभागीय टोली नेपाल पुलिस क्लब विजयी भएको छ ।

सातदोबाटोस्थित एन्फा कम्प्लेक्सको मैदानमा आज भएको पुलिसले स्याङ्जाको वालिङ नगरपालिकालाई ४–१ ले पराजित गर्यो । पुलिसका लागि निरु थापाले १५ मिनेटमा पहिलो गोल गरिन् । 

अनुस्का शेर्पाले २८ मिनेटमा अग्रता दोब्बर पार्दा पूजा रानाले ३२ मिनेटमा तेस्रो गोल गरिन् । 

वालिङकी धना बोहराले ४६ मिनेटमा आत्मघाती गोल गर्दा पुलिस ४–० गोलले अघि बढ्यो । 

वालिङकी यशोदा चिरालले ८५ औं मिनेटमा सन्त्वना गोल फर्काइन् ।

जारी लिगमा पुलिसले वालिङलाई हराएको यो तेस्रो पटक हो ।

 जितसँगै पुलिस ५ खेलबाट १० अंक जोड्दै तेस्रो स्थानमा छ ।

पहिलो लेगमा एपिएफसँग हारेको पुलिसले आर्मीसँग बाराबरी खेलेको थियो ।

बागमती र वालिङ विरुद्ध भने जित दर्ता गरेको छ । 

वालिङको यो लगातार पाँचौं हार हो । 

उसले अंकको खाता खोल्न सकेको छैन ।

४ खेल जितेको एपिएफ १२ अंकसहित शीर्ष स्थानमा छ । 

त्रिभुवन आर्मी १० अंकसहित दोस्रो र ३ अंक जोडेको बागमती चौंथो स्थानमा छ ।

 लिगअन्तर्गत भोली हुने खेलमा त्रिभुवन आर्मी क्लब र बागमती युथ क्लबबीच प्रतिस्पर्धा हुनेछ ।