जय ट्रफी एलिट कपको उपाधि पुलिस क्लबलाई

नेपाल पुलिस क्लबले जय ट्रफी एलिट कप बहुदिवसीय क्रिकेट प्रतियोगिताको उपाधि जितेको छ ।

वीरगञ्जमा भएको फाइनलको तेस्रो दिन आज आर्मीलाई ७४ रनमा अलआउट गर्दै पुलिस च्याम्पियन बनेको हो । १ सय ३ रनको लक्ष्य पछ्याएको आर्मी ७४ रनमै समेटिएपछि पुलिसले २८ रनको जित निकाल्न सफल भयो ।

त्यसअघि पुलिस दोस्रो इनिङ्समा १ सय ३९ रनमा अलआउट हुँदा आर्मीले १ सय ३ रनको लक्ष्य पाएको थियो । पहिलो इनिङ्समा पुलिसले १ सय ३३ रन जोड्दा आर्मीले १ सय ७० रन बनाएको थियो । वीरगञ्ज र जनकपुरमा भएको प्रतियोगितामा आर्मी र पुलिससहित बागमती र मधेश प्रदेशले प्रतिस्पर्धा गरेका थिए ।

प्रतियोगितामा शाहबले कुल ३३ विकेट लिँदै सर्वाधिक विकेट लिने बलर बने । मधेशका मयन यादवले सर्वाधिक २ सय ६८ रन बनाएका छन् ।