यू–१९ महिला विश्वकप क्रिकेटः डेब्यु खेलमा नेपालले बंगलादेशसँग खेल्दै

यू–१९ विश्वकप क्रिकेटमा नेपालले आज बंगलादेशविरुद्ध प्रतिस्पर्धा गर्दै छ । मलेसियाको बांगीमा हुने खेल नेपाली समयानुसार मध्यान्ह सवा १२ बजेबाट सुरु हुनेछ ।

महिला विश्वकपमा नेपाली टोलीले पहिलोपटक डेब्यु गर्न लागेको हो । पूजा महतोको कप्तानीमा रहेको नेपाली टोलीले गत कार्तिकमो युएईलाई पराजित गर्दै विश्वका आफ्नो स्थान सुरक्षित गरेको थियो । विश्वकप अघि तयारी स्वरुप भएका दुई खेलमा भने नेपाल वेस्ट इन्डिज र अमेरिकासँग भने पराजित भएको थियो ।

विश्वकपमा सहभागी १६ टोलीलाई ४ समूहमा विभाजन गरिएको छ । नेपाल रहेको समूह डीमा अस्ट्रेलिया, स्कटल्याण्ड र बंगालादेश छन् । विश्वकप अन्तर्गत आजै हुने अन्य खेलमा स्कटल्याण्ड र अस्ट्रेलिया, इङ्गल्याण्ड र आयरल्याण्ड तथा सामोआ र नाइजेरीया र पाकिस्तान र अमेरिकाबीच प्रतिस्पर्धा हुनेछ । आईसीसीका अनुसार मध्यान्ह सवा १२ हुने अर्को खेलमा न्यूजील्याण्ड र दक्षिण अफ्रीकाबीच खेल हुने तालिका छ ।