जुम्लाकी सुनमायाले जितिन् हङकङमा आयोजित अल्ट्रा म्याराथनको उपाधि

हङकङमा आयोजित एक सय किलोमिटर अल्ट्रा म्याराथनको उपाधि नेपालकी सुनमाया बुढाले जितेकी छन् । जुम्लाको पातारासी गाउँपालिकाकी सुनमायाले एक सय किलोमिटर दुरीको म्याराथन ११ घण्टा ११ मिनेट ४७ सेकेण्डमा पूरा गरिन् ।

उनले स्लोभाकीयाकी भेरोनिका लेङलाई १४ मिनेट २५ सेकेण्डको अन्तरले उछिनेकी हुन् । भेरोनिका ११ घण्टा २५ मिनेट २२ सेकेण्डका निर्धारित दुरी पार गर्दै दोस्रो भइन् । भियतनामकी हा थी हाउ १२ घण्टा ९ मिनेट ३७ सेकेण्डमा एक सय किलोमिटर दुरी पार गर्दै तेस्रो भइन् ।