क्रिकेटर पूजा महतो मानार्थ खेलकुद अधिकृत नियुक्त

महोत्तरीको गौशाला नगरपालिकाले नेपाली राष्ट्रिय महिला क्रिकेट टिमकी सदस्य पूजा महतोलाई मानार्थ खेलकुद अधिकृत नियुक्त गरेको छ । 

नेपाली यू–१९ महिला क्रिकेट टिमकी कप्तान समेत रहेकी महतोलाई नगरपालिकाको मानार्थ खेलकुद अधिकृत पदमा नियुक्त गरेको हो । 

गौशाला–११ निवासी महतोलाई नगरपालिकाको शिक्षा तथा खेलकुद शाखामा मानार्थ खेलकुद अधिकृत पद सृजना गरी अधिकृतस्तर छैठौ श्रेणी अनुसारको पारिश्रमिक प्रदान गर्ने निर्णय गरिएको प्रमुख प्रशासकीय अधिकृत केशव अधिकारीले बताउनुभयो । 

नगरपालिकाको कार्यपालिका र १३ औ हिउँदे नगर सभाबाट क्रिकेट खेलाडी महतोलाई सम्मान गर्दै मानार्थ खेलकुद अधिकृतमा नियुक्त गरिएको प्रवत्ता रामपृत महतोले बताउनुभयो ।