कर्णाली याक्सको प्रशिक्षक तथा क्रिकेट निर्देशकमा ज्ञानेन्द्र मल्ल नियुक्त

कर्णाली याक्सले नेपाल प्रिमियर लिग एनपीएल क्रिकेटको दोस्रो सिजनका लागि नेपाली क्रिकेट टोलीका पूर्वकप्तान ज्ञानेन्द्र मल्ललाई फेरि प्रशिक्षक तथा क्रिकेट निर्देशकमा नियुक्त गरेको छ । 

पहिलो सिजनमा मल्लको प्रशिक्षणमा कर्णाली याक्स दोस्रो क्वालिफायरसम्म पुगेको थियो । क्लबका अनुसार मल्लसँग एक वर्षको सम्झौता गरिएको हो । 

कर्णाली याक्सले यस सिजनका लागि मार्की खेलाडी सोमपाल कामीसहित सात खेलाडीलाई निरन्तरता दिएको छ । रिटेन गरिएका खेलाडीहरुमा गुलशन झा, नन्दन यादव, बिपिन प्रसाद शर्मा, दिपेन्द्र रावत, अर्जुन घर्ति र युनिष सिंह ठकुरी छन् ।