साफ यू–१७ महिला च्याम्पियनसिपः नेपाल भारतसँग ५–० गोलले पराजित

भुटानमा जारी साफ यू–१७ महिला च्याम्पियनसिप फुटबलको आफ्नो पाँचौ खेलमा समेत नेपाली टोली पराजित भएको छ ।

थिम्पूमा भएको खेलमा नेपाली टोली भारतसँग ५–० गोल अन्तरले पराजित भएको हो । पहिलो हाफमा ३–० गोलको अग्रता लिएको भारतले दोस्रो हाफमा थप २ गोल गर्न सफल भयो । 

उपाधि होडबाट बाहिरिसकेको नेपालले अब आइतबार भुटानसँग खेल्न बाँकी छ । यसअघि भएको खेलमा समेत नेपाल भारतसँग नेपाल ७–० गोलले पराजित भएको थियो ।