नेपालले आज इरानसँग मैत्रीपूर्ण फुटबल खेल्दै

नेपाली महिला फुटबल टोलीले आज इरानसँग मैत्रीपूर्ण फुटबल खेल्दैछ ।

भारतको शिलोङमा हुने खेल साँझ सवा ६ बजे सुरु हुनेछ ।

उज्बेकिस्तानमा महिला एसियन कप छनोट खेलेपछि नेपालले पहिलोपटक अन्तर्राष्ट्रिय खेल खेल्न लागेको हो ।

विदेशमा व्यावसायिक फुटबल खेलिरहेका प्रिति राई, सावित्रा भण्डारी साम्बा, पूजा राणा तथा एन्जिला तुम्बापो सुब्बा टिममा सहभागी छन् ।

नेपाली टोलीले आगामी सोमबार भारतसँग दोश्रो मैत्रीपूर्ण खेल खेल्ने छ ।

फिफाको वरियतामा भारत ६३ औं, इरान ७०औं तथा नेपाल ८९औं स्थानमा छन् ।

यसअघि सन् २०१९ मा इरानसँग भारतमा भएको खेलमा नेपाल ३ –० ले विजयी भएको थियो ।