रुसले युक्रेनको किभ क्षेत्रमा गरेको हवाई कारबाही कारण ६ लाख बढि मानिस विद्युतविहिन भएका छन् । 

रुसको आक्रमणले राजधानीमा मात्र ५ लाख बढी र अन्य क्षेत्रसहित सो संख्यामा बिजुलीबीहिन अवस्थामा नागरिक रहेको त्यहाँको उर्जा मन्त्रालयलाई उदृत गर्दै अन्तर्राष्ट्रिय सञ्चार माध्यमले जनाएका छन् ।

ऊर्जा पूर्वाधारमा मिसाइल र ड्रोन आक्रमणका कारण विद्युत सेवा अवरुद्ध भएको हो । युक्रेन लक्षित करिब ३६ वटा मिसाइल र ६ सय ड्रोन प्रहार भएको जनाइएको छ । सो आक्रमणमा ३ जनाको मृत्यु भएको छ भने दर्जन बढी घाइते भएका छन् । अमेरिकाले शान्ति वार्ताका लागि पहल गरेपनि रुसले युक्रेनी नागरिक र उर्जा पूर्वाधार तथा कच्चा तेल प्रशोधन केन्द्रमा आक्रमणलाई तीव्र बनाएको छ । सन् २०२२ को फेब्रवरीबाट रुसले युक्रेनमा आक्रमण सुरु गरेको हो ।