भदौ ९ गते काठमाडौंमा युथ कन्क्लेभ आयोजना हुने भएको छ । युनिभर्सल कलेज र फिनिक्स कलेजले कमलास्थित प्रज्ञा प्रतिष्ठानमा संयुक्त रुपमा युथ कन्क्लेभ आयोजना गर्न लागेको हो । 

काठमाडौंमा आयोजित पत्रकार सम्मेलनमा फिनिक्स कलेजका प्रिन्सिपल फत्त बहादुर केसीले पछिल्लो समय विभिन्न बहानामा विदेश जाने गरेका युवा लक्षित कार्यक्रम गर्न लागेको जानकारी दिनुभयो । 

हरेक दिन हजारौंको संख्यामा विद्यार्थीले नो अब्जेक्सन लेटर लिइरहेको भन्दै विदेसिने विद्यार्थीलाई रोक्ने उद्देश्यका साथ सो कन्क्लेभ आयोजना गर्न लागेको उहांको भनाई थियो । कार्यक्रममा ५ हजार १६ देखि २५ वर्ष उमेर समूहका युवालाई सहभागि गराउने आयोजकले जनाएको छ ।