५ करोडको ‘कोकिन’सहित विदेशी नागरिक पक्राउ

- रेडियो कान्तिपुर, काठमाडौं

    भाद्र ५, २०७६

    प्रहरीको लागूऔषध नियन्त्रण ब्यूरोको टोलीले करिब ५ करोड मूल्य बराबरको कोकिनसहित विदेशी नागरिकलाई काठमाडौबाट पक्राउ गरेको छ ।

    आइभेरीकोस्टका ३५ वर्षीय मार्सेल गुलीलाई ब्यूरोको टोलीले हिजो साँझ पक्राउ गरी आज सार्वजनिक गरेको हो ।

    उनको साथबाट १ किलो ६ सय  ग्राम कोकिन बरामद भएको ब्यूरोले जनाएको छ । सो कोकिनको बजार मूल्य ४ करोड ८० रुपैयाँ पर्ने प्रहरीले जनाएको छ ।

    सो परिमाणको कोकिन नेपाल हुँदै भारत जान लागेको ब्यूरोका प्रमुख डीआइजी दिनेश अमात्यले जानकारी दिनुभयो । पक्राउ गरेका मार्सेल गुली कतार एयरवेजमार्फत दोहा हुँदै काठमाडौं आएका हुन् ।

    प्रकाशित:भाद्र ५, २०७६

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्