क्यानको निर्वाचन एक साता पछि सर्‍यो

- प्रकाश पाठक, काठमाडौं
    आईसीसीका प्रतिनिधिले नेपालमा भएको प्रगतिको सरहाना गर्दै नेपालका सम्बन्धमा आईसीसीले निकट भविष्यमै सरकारात्मक निर्णय आउने संकेत गरेको सिलवालले जानकारी दिनुभयो ।  

    भाद्र ३०, २०७६

    नेपाल क्रिकेट संघ क्यानको निर्वाचन एक साता पछि सरेको छ । स्वतन्त्र कमिटीले घोषणा गरेको निर्वाचन मितिमा राष्ट्रिय खेलकुद परिषद राखेपले असहमति जनाएपछि आज अन्तर्राष्ट्रिय क्रिकेट काउन्सिल आईसीसी र राखेपबीचको छलफलले निर्वाचन १ साता पछि सारेको हो ।

    सहमति अनुसार अब असोज १० र ११ गते क्यानको निर्वाचन हुनेछ । आईसीसीका प्रतिनिधि ईमरान ख्वाजा र अमर शेखको टोलीले राखेपसँग छलफल गरी निर्वाचनको नयाँ मिति सार्वजनिक गरेको हो ।

    छलफलमा नयाँ मिति निर्धारणसँगै सबै पक्षबिचको सहमतिमै निर्वाचनका प्रक्रिया अघि बढाउने, अक्टोबर १२ र १३ मा बस्ने आईसीसी बोर्ड बैठकमा क्यान निलम्बन फुकुवाको प्रस्ताव लैजाने र नेपालको क्रिकेट विकासमा आईसीसीले विभिन्न सहयोग गर्ने सहमति भएको राखेप सदस्य सचिव रमेशकुमार सिलवालले जानकारी दिनुभयो ।

    आईसीसीका प्रतिनिधिले नेपालमा भएको प्रगतिको सरहाना गर्दै नेपालका सम्बन्धमा आईसीसीले निकट भविष्यमै सरकारात्मक निर्णय आउने संकेत गरेको सिलवालले जानकारी दिनुभयो ।  

    प्रकाशित:भाद्र ३०, २०७६

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्