च्याम्पियन्स लिगको नयाँ सिजन आज सुरु हुँदै

एजेन्सी

    भाद्र ३१, २०७६

    च्याम्पियन्स लिग फुटबलको नयाँ सिजन आज सुरु हुँदैछ । गत संस्करणको लिग विजेता लिभरपुलले नेपोलीसँग प्रतिस्पर्धा गर्दै लिगको सुरुवात गर्दैछ । लिभरपुलका जर्जेन क्लोपले आफूहरु गत संस्करणको विजेता भएपनि युरोपको उत्कृष्ट टोली रहेको नमान्ने बताएका छन् ।

    खेल, नेपोलीको घरेलु मैदानमा राती पौने एक बजे सुरु हुनेछ । गत सिजन लिभरपुलले टोटनह्यामलाई २–० ले पराजित गर्दै उपाधि उचालेको थियो । आजै बार्सिलोनाले डर्टमन्डको सामना गर्नेछ । डर्टमन्डको घरेलु मैदानमा हुने खेलमा लियोनल मेस्सी पनि मैदान उत्रनेछन् ।

    कोपा अमेरिकामा घाईते भएपछि ४ खेलमा मैदान बाहिर रहेका मेस्सी आजको खेलमा मैदान उत्रनेछन् । आजै राति चेल्सीले भ्यालेन्सिया, इन्टर मिलानले स्लाभिया प्राग तथा लियोनले जेनिट सट पिटरवर्गसँग प्रतिस्पर्धा गर्नेछ । 

    प्रकाशित:भाद्र ३१, २०७६

    User's Feedback

    Comment via Facebook

    फेसबूक छैन? यो फारम प्रयोग गर्नुहोस्