बाघले आक्रमण गरेको मंगली बोटेको अवस्था अज्ञात

जेष्ठ २४, २०७९

चितवन राष्ट्रिय निकुञ्जको मुख्यालय कसरा नजिक घैलाघारी मध्यवर्ती सामुदायिक वनमा बाघको आक्रमणमा परेकी स्थानीय ६० वर्षिया मंगली बोटेको अवस्था अज्ञात रहेको छ । भरतपुर महानगरपालिमा–२३ घैलाघारीकी मंगली साथीहरू सहित निउरोको साग टिप्न सामुदायिक वनमा गएकी थिइन् । 

चितवन जिल्ला प्रहरी कार्यालयका प्रवक्ता डिएसपी नरहरि अधिकारीका अनुसार आज अपरान्ह मंगलीलाई बाघले आक्रमण गरेर जंगलभित्र लगेको उनीसंगै गएकाले बताएका छन् । कसराबाट चारवटा हात्तीसिहत सेनाको टोली र गीतानगरको इलाका प्रहरी कार्यालयको टोली खोजतलासमा जुटे पनि पत्ता नलागेको डिएसपी अधिकारीले बताउनुभयो । चितवनमा यो वर्ष बाघले मान्छेमाथि आक्रमण गरेर ज्यानै लिने घटना अत्याधिक बढेको निकुञ्ज कार्यालयले जनाएको छ । 


प्रतिक्रिया