अष्ट्रेलियन ओपन टेनिस खेल्न मेलवर्न पुगेका खेलाडी प्रभावित

माघ ४, २०७७

कम्तीमा चार जनामा कोराना भाइरसको संक्रमण पुष्टि भएपछि अष्ट्रेलियन ओपन टेनिस खेल्न कतारको दोहाबाट मेलवर्न पुगेका खेलाडी प्रभावित भएका छन् । चार्टर फ्लाईट मार्फत मेलवर्न उत्रिएका तीन जनामा हिजो र एक जनामा आज संक्रमण पुष्टि भएको हो । सोही जहाजबाट मेलवर्न पुगेका शीर्ष वरियताका भिक्टोरिया अजरेन्का, स्लोएन स्टेफेन्स, केई निसिकोरी, एङ्गेलिक केरबर र हेथर वाट्सन बढी प्रभावित भएको बीबीसीले उल्लेख गरेको छ ।

दुई वटा जहाजबाट मेलवर्न पुगेका करिब ४७ जना खेलाडी होटल मै आईशोलेसनमा रहेका छन् । ती मध्ये तीन जनाले अष्ट्रेलियन ओपनको जारी नियममा परिवर्तन नल्याए फेब्रुअरी ८ बाट हुने प्रतियोगिता खेल्न नपाउने बताएका छन् । करिब १४ दिनको क्वारेन्टिन बसाईपछि पीसीआर रिपोर्ट नेगेटिभ आएमात्र उनीहरु कोर्टमा फर्कने छन् । यद्यपि यो बीचमा उनीहरुको अभ्यास भने होटलको कोठामा सीमित हुने भएको छ ।


प्रतिक्रिया