बेलायतको अर्थतन्त्र सन् २०२३ मा निकै खुम्चिने प्रक्षेपण
माघ १७, २०७९
बेलायतको अर्थतन्त्र सन् २०२३ मा विकसित मुलुकहरुको तुलनामा निकै खुम्चिने अन्तर्राष्ट्रिय मुद्रा कोष आइएमएफले जनाएको छ । उन्नत जीवनशैली भएको बेलायतीको दैनिक खर्चमा हस आउने आइएमएफले उल्लेख गरेको छ । सन् २०२३ मा बेलायतको अर्थतन्त्र शुन्य दशमलव ६ प्रतिशतले खुम्चिने प्रक्षेपण आइएमएफको छ । मुद्रास्फिति उच्च हुनुका साथै इन्धनको मुल्यमा वृद्धिका कारण बेलायतको घरायसी खर्च प्रभावित हुनेछ ।
अर्थमन्त्री जेरेमी हन्टले बेलायतले गतवर्षको प्रक्षेपण विपरित आर्थिक सुधार गरेकाले तथ्यांक भन्दा फरक अवस्था सन् २०२३ मा आउने दाबी गर्नुभएको छ । बेलायतको कुल गार्हस्थ उत्पादनमा शुन्य दशलमव ३ प्रतिशतले गिरावट हुने वल्र्ड इकोनोमिक आउटलुकमा उल्लेख छ । विश्वका विकसित र उदियमान अर्थतन्त्र भएका मुलुकमा सन् २०२३ मा अर्थतन्त्रमा गिरावट आउने भनिएको बेलायत एक मात्र मुलुक हो ।
सन् २०२४ मा बेलायतको अर्थतन्त्रमा शुन्य दशमलव ९ प्रतिशतले वृद्धि हुने जारी प्रतिवेदनमा उल्लेख छ । बेलायतमा पछिल्लो १२ महिनामा ४० वर्ष यताकै उच्च मुल्यवृद्धि भएको छ । बेलायतमा पछिल्लो १२ महिनामा मुल्य वृद्धि १० दशलमव ५ प्रतिशत पुगेको छ ।
