शक्तिशाली ज्वालामुखी विस्फोटपछि दक्षिणी आईसल्याण्डमा आपतकालको घोषणा
चैत्र ४, २०८० | काठमाडौं
दक्षिण आइसल्याण्डको रेक्जेनेस प्रायद्वीपमा ज्वालामुखी विस्फोटका कारण आपतकालको अवस्थाको घोषणा गरिएको छ ।
विस्फोटका कारण स्थानीय नागरिक प्रभावित बनेका छन् ।
उत्तरी ग्रिन्डाविकको हागाफेल र स्टोरा–स्कोगफेल बाट ज्वालामुखी विस्फोट सुरु भएको बीबीसीले जनाएको छ ।
ज्वालामुखी विस्फोटपटि ब्लू लगूनविमानस्थलको उड्डयन तत्कालका लागि बन्द गरिएको छ ।
सन् २ हजार २१ यता सो क्षेत्रमा सातौ पटक ज्वालामुखी विस्फोट भएको हो ।
पर्यटकीय केन्द्रको रुपमा रहेको सो क्षेत्रमा डिसेम्बरयता मात्रै चौथो पटक विस्फोट भएको हो ।
डिसेम्बरमा ज्वालामुखी बिस्फोटकै कारण स्थिापित भएका ग्रिन्डाविकका करिब चार हजार बासिन्दाहरूलाई एक महिना अघि मात्रै आफ्नो घर फर्कन अनुमति दिइएको थियो ।
जसमा सय जना मात्रै घर फर्कन सकेका थिए ।
यस्तै फेब्रुअरीमा भएको अर्को विस्फोटमा खानेपानी लगायतका क्षेत्रहरु अवरुद्ध बनेका थिए ।
आइसल्याण्डमा ३३ वटा ज्वालामुखी प्रणालीहरु रहेको बताइएको छ ।