डोटीको आदर्शमा लगातारको बर्षाको कारण घर भत्किदा एकै परिवारका चार जनाको मृत्यु भएको छ । पाँच जना घाईते भएका छन् । 

आदर्श गाउँपालिका वडा नम्बर १ बाँझककानी, खलगडामा रहेको घर भत्किदा २६ बर्षिय बिष्ना बिक उनका छोरा ९ बर्षिय पारस बिक तथा छोरीहरु ४ बर्षीया सिरु र ९ महिनाकी कटीको मृत्यु भएको इलाका प्रहरी कार्यालय आदर्शका इन्चार्ज इन्सपेक्टर बीरबहादुर बुढाऐरले जानकारी दिनुभयो । 

घर भत्किदा बिष्नाका श्रीमान लोगे लुहार, उनकी सासु पाना बिक, आमा झाकरी बिक, भाई इन्द्र बिक र छोरी अस्मीता बिक घाइते भएका हुन् । उनीहरुको प्रहरी तथा स्थानीयले उद्धार गरी प्राथमि उपचार पश्चात थप उपचारका लागि दिपायल स्थित शैलेश्वरी अस्पतालमा पठाइएको छ । चार जना गम्भीर घाईते छन् ।

लगातारको बर्षाका कारण ढुङ्गाले छाएको पूरानो घर गएराती करिब साढे १ बजेतिर भत्किएको हो ।