डोटीको पुर्वीचौकी गाउँपालिका–१ तल्लो फुलोटमा यात्रुवाहक बस दुर्घटना हुँदा ३ जनाको मृत्यू भएको छ । ३१ जना घाइते भएका छन् । 

भारतबाट आएका यात्रु बोकेर धनगढीबाट अछाम जादै गरेको ना ६ ख २५२९ नम्बरको बस आज बिहान ६ बजे दुर्घटनामा परेको जिल्ला प्रहरी कार्यालय डोटीका प्रहरी निरीक्षक कर्ण बहादुर बोहराले जानकारी दिनुभयो । 

दुर्घटनामा अछाम सिरकोटकी ५५ बर्षीया धनी शाही, बान्नीगढ जयगढ गाउापालिका ३ की ६० बर्षीय पदम साउद र गाडीका सहचालक चौरपाटी गाउँपालिका–४ का ३० बर्षीय टिकाराम बिकको मृत्यु भएको हो । 

घाइते मध्ये १० जनाको अवस्था गम्भिर रहेको प्रहरी निरीक्षक बोहराले जानकारी दिनुभयो । घाइतेहरुको उद्धार गरी जिल्ला अस्पताल डोटीमा ल्याइ उपचार भइरहेको छ ।