लुम्बिनी प्रादेशिक अस्पतालमा थप एक संक्रमितको मृत्यु
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2020/health/LumbiniProvienceHospitalRupandehi-1600096174.jpg&w=700&height=600)
चैत्र ३०, २०७७ | बुटवल
कोरोना भाइरसको संक्रमणबाट रुपन्देहीको लुम्बिनी प्रादेशिक अस्पतालमा सोमबार बिहान थप एक जनाको मृत्यु भएको छ । कोरोना संक्रमणबाट अर्घखाँचीको मालारानी गाउँपालिका–५ की ७९ वर्षीय वृद्धाको मृत्यु भएको हो ।
अस्पतालका सूचना अधिकृत डा. विष्णु गौतमका अनुसार कोरोना विशेष अस्थायी अस्पतालमा भर्ना भएकी ७९ वर्षीया वृद्धाको बिहान ९ बजेर ५० मिनट जाँदा मृत्यु भएको हो ।
चैत २७ मा अस्पताल भर्ना भएकी उनमा ज्वरो, निमोनिया र दमको कारण श्वाशप्रश्वाशमा समस्या थियो । यसअघि बिहान सोही अस्पतालमा २ जना संक्रमितको मृत्यु भएको थियो ।
![](http://radio-assets-cdn.ekantipur.com/uploads/source/news/2021/third-party/17104337018103353924668083552887239217181192n-1618212373.jpg)