ललितपुरमा शुरु केपी ओली कप राष्ट्रिय फुटबल प्रतियोगितामा आयोजक क्लबले विजयी सुरुवात गरेको छ ।

ललितपुरको सातदोबाटोस्थित एन्फा कम्प्लेक्सको मैदानमा भएको उद्घाटन खेलमा आयोजक केपी ओली क्लबले ए डिभिजन लिग च्याम्पियन चर्च ब्वाइज क्लबलाई ३–० गोलअन्तरले पराजित गरेको हो । आयोजक क्लबको जितमा जय गुरुङले २ तथा विदेशी खेलाडी फोडे फोफानाले एक गोल गरे ।

जितसँगै केपी ओली क्लब क्वाटरफाइनल प्रवेश गरेको छ । १० टिम सहभागी प्रतियोगिताको दोस्रो खेलमा पर्सि आइतबार न्युरोड टिम एनआरटी र थ्रीस्टार क्लबबीच प्रतिस्पर्धा हुनेछ । अध्यक्ष ओलीको जन्म दिनको अवसरमा केपी ओली कप फुटबलको आयोजना गरिएको हो ।