काठमाडौँ महानगरमा क्यान्सर रोगको निःशुल्क परीक्षण सुरु
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/health/ktmmetro-1713358963.jpg&w=700&height=600)
वैशाख ५, २०८१ | काठमाडौं
काठमाडौँ महानगरपालिकाले वडास्तरमा क्यान्सर रोगको निःशुल्क परीक्षण सुरु गरेको छ ।
महिलामा हुने स्तन क्यान्सर, पाठेघरको मुखको क्यान्सर र प्रजनन स्वस्थ्य सम्बन्धी निःशुल्क परीक्षण शिविर सञ्चालन गरिएको महानगरपालिकाले जनाएको छ ।
क्यान्सरको सुरुवातमै पहिचान गर्न सके रोकथामको सम्भावना रहेकाले वडास्तरीय निःशुल्क शिविर आयोजना गरिएको काठमाडौं महानगरपालिकाका उपप्रमुख सुनिता डंगोलले बताउनुभयो ।
पाठेघरको मुखको क्यान्सर जाँचका क्रममा शुरुवाती चरणमा नमूना संकलन गरिने स्वास्थ्य विभागका निमित्त प्रमुख सजिना महर्जनले जानकारी दिनुभयो ।
प्रजनन क्षमतामका ३० वर्षदेखि ६० वर्ष समूहका महिलाले हरेक ५ वर्षमा एकपटक क्यान्सरका परीक्षण गराउनु पर्ने चिकित्सकहरले सुझाव दिएका छन् ।
प्रजनन उमेरका महिलालाई आफ्नो वडामा हुने शिविरमा गएर जाँच गराउन महानगरपालिकाले आह्वान गरेको छ ।