धनकुटामा तमोर नदीले बगाएर ल्याएको दुई वटा शव फेला परेको छ ।

साँगुरीगढी गाउँपालिका ७ बुढीमोरङस्थित मुलघाट र चौबिसे गाउँपालिकाको फलामेटारस्थित नदी किनारमा सो शव फेला परेको प्रहरीले जनाएको छ । प्रहरीका अनुसार दुवै शव महिलाको हो । 

तेह्रथुम वा पाँचथर जिल्लाबाट ती शवहरु बगाएर ल्याएको हुन सक्ने आशंकामा सम्बन्धित जिल्लामा समेत जानकारी गराईएको धनकुटाका प्रमुख जिल्ला अधिकारी पुण्यविक्रम पौडेलले जानकारी दिनुभयो । धनकुटामा अविरल वर्षाका कारण हिजोपनि दुई जनाको मृत्यु भएको थियो ।