कैलालीको मोहन्याल गाउँपालिका–३ का वडाध्यक्ष नन्दाराम गिरीको निधन भएको छ । ३५ वर्षीय गिरी दुई वर्षदेखि मुखको क्यान्सर रोगबाट ग्रसित हुनुहुन्थ्यो । 

उपचारका क्रममा शुक्रबार दोदोधरा अस्पताल बौनियामा उहाँको निधन भएको हो । गिरी मोहन्यालको वडा नम्बर–३ मा लगातार दुुई पटक निर्वाचित वडाध्यक्ष हुन् । 

गिरी २०७४ को स्थानीय तह निर्वाचनमा पनि मोहन्यालको वडा नम्बर–३ मा नेपाली कांग्रेसबाट निर्वाचित हुनु भएको थियो । गिरीका श्रीमतीसहित दुई छोरा र एक छोरी छन् ।