वैदेशिक रोजगारमा आकर्षक तलबको प्रलोभनमा पारी विभिन्न देश पठाउने भन्दै रकम ठगी गरेको अभियोगमा ३ जनालाई प्रहरीले पक्राउ गरेको छ । कास्कीका ३० वर्षीय मधु तिमल्सिना अधिकारी, रूपन्देहीका ३२ वर्षीया गीता कुँवर र सिराहाकी ३० वर्षीया दिव्या यादव पक्राउ परेका हुन् । 

पक्राउ परेका मध्ये मधुले रोमानिया पठाइदिन्छु भन्दै ३ जनाबाट ७ लाख रूपैयाँ, गीताले बेलायत पठाइदिन्छु भन्दै ८ जनाबाट १६ लाख ५ हजार रूपैयाँ र दिव्याले स्लोभाकिया पठाइदिन्छु भन्दै १ जनाबाट ५ लाख १५ हजार रूपैयाँ लिई सम्पर्कबिहीन भएको भन्ने उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई पक्राउ गरेको हो ।