रौतहटको राजदेवी नगरपालिका –५ पताही टोल स्थित दलित बस्तीमा आगलागी हुँदा ७ घर जलेर नस्ट भएको छ ।

आगलागीमा मानवीय क्षती नभएपनि घर जलेर नस्ट भएको प्रहरीले जनाएको छ । स्थानीय जगरनाथ पासवानको घरमा बालेको घुरबाट आगो सल्किएको जिल्ला प्रहरी कार्यालय गौरका डिएसपी दिपककुमार रायले जानकारी दिनुभयो ।

नेपाल प्रहरी, सशस्त्र प्रहरी, दमकल र स्थानियको सहयोगमा झन्डै २ घन्टापछि आगो नियन्त्रणमा आएको थियो । आगलागीबाट घरभित्र रहेका लताकपडा र सामानहरु पुर्ण रुपमा जलेर नष्ट भएको डिएसपी रायले बताउनुभयो ।