विश्व स्वास्थ्य संगठन डब्लूएचओले मंकीपक्स भाइरसलाई नयाँ नामाकरण गरेको छ । भाइरसको नामसँग जोडिएको भाषालाई लिएर गुनासो बढ्न थालेको भन्दै डब्लूएचओले मंकीपक्सलाई एमपक्स नामाकरण गरिएको जनाएको छ । पहिलोपटक बाँदरमा भाइरस देखा परेकोले मंकीपक्स नाम दिइएको यो भाइरसको नामलाई लिएर डब्लूएचओले राय सुझाव समेत माग्दै आएको थियो । भाइरसको नाम परिवर्तन भएपनि एक वर्षसम्म भने अहिलेकै नाम पनि प्रयोग गर्न सकिने डब्लूएचओले जनाएको छ ।