लोकसभा चुनावका लागि भारतीय काँग्रेसको घोषणापत्र सार्वजनिक
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/PTI04052024000043B017123000665091712300120700-1712408852.jpg&w=700&height=600)
चैत्र २४, २०८० | काठमाडौं
आसन्न लोकसभा चुनावका लागि भारतीय काँग्रेसले घोषणापत्र सार्वजनिक गरेको छ न्यायपत्र नाम दिइएको घोषणा पत्रमा काँग्रेसले पिछडिएका समुदाय तथा अल्पसङ्ख्यकका लागि थप आरक्षण बढाउने लगायत विषय समेटिइको छ ।
काँग्रेसको मुख्यालयमा आयोजित कार्यक्रममा सोनिया गान्धी र राहुल गान्धी तथा काँग्रेसका अध्यक्ष मल्लिकार्जुन खड्गेको उपस्थितिमा घोषणापत्र जारी गरिएको भारतीय सञ्चारमाध्यमले जनाएका छन् ।
घोषणापत्र सार्वजनिक गर्ने क्रममा नेता राहुल गान्धीले चुनावी प्रतिस्पर्धामा भारतको सत्ताले विपक्षीलाई दबाउने रणनीति लिएको आरोप लगाउनुभएको छ ।
घोषणापत्रमा भारतीय काँग्रेसले रोजगारी, शैक्षिक संस्थामा १० प्रतिशतको अनुदान तथा सबै धर्ममा आस्था राख्ने व्यक्तिप्रति समान व्यबहार गर्ने लगायत विषय समेटेको छ ।
भारतीय काँग्रेसले सैनिक भर्ति सम्वन्धि अग्निपथ योजना रद्द गर्ने योजना समेत अघि सारेको छ ।