भियतनामकी एक महिला अर्बपतिलाई मृत्युदण्डको सजाय
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/vitnam-1712846476.png&w=700&height=600)
चैत्र २९, २०८० | काठमाडौं
भियतनामकी एक अर्बपति महिलालाई २७ अर्ब बढि अमेरिकी डलर हिनामिना गरेको आरोपमा मृत्युदण्डको सजाय सुनाईएको छ ।
भियतनामको इतिहासमा अहिले सम्मकै सबैभन्दा ठूलो भ्रष्टाचार मानिएको घटनामा त्यहाँको अदालतले ती महिलालाई मृत्युदण्डको सजाय सुनाएको हो । एक निजी कम्पनीकी प्रमुख ट्रोङ माइ ल्यानले ११ वर्षको समयावधीमा बैंकको रकम हिनामिना गरेको आरोप लागेको छ ।
उनीविरुद्ध सुनाइएको सजाय भियतनामको इतिहासमा अहिले सम्मकै दुर्लभ फैसला रुपमा लिइएको छ । ट्रोङले एक निजी बैंकबाट ४४ अर्ब अमेरिकी डलर ऋण लिएकी थिइन् ।
फैसलाका अनुसार २७ अर्ब डलर फिर्ता गर्नुपर्ने भएपनि उनले असुल गर्न कुनै पनि अवस्थामा नसक्ने भएपछि अदालतले यस्तो सजाय सुनाएको हो ।
सो मुद्दामा २ सय वकिलले बहस गरेका थिए । ८५ जना वकिलले भने सजाय हुन नहुने माग गरेका थिए । सुनुवाइको क्रममा लेनले आफूमाथि लागेको आरोप अस्वीकार गरेकी थिइन् ।