अमेरिकाद्वारा इजरायलमा आफ्ना कर्मचारीलाई भ्रमण गर्न रोक
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/joebiden-1712761520.jpg&w=700&height=600)
चैत्र ३०, २०८०
अमेरिकाले इजरायलमा रहेका आफ्ना कर्मचारीलाई अन्य स्थानमा भ्रमण गर्न रोक लगाएको छ । अमेरिकी दूतावासले कर्मचारीलाई जेरुसेलम, तेल अभिभ वा बिर्शेबा जस्ता केही क्षेत्रभन्दा बाहिर यात्रा नगर्न आग्रह गरेको अन्तराष्ट्रिय सञ्चारमाध्यमले जनाएका छन् ।
दूतावासले अतिरिक्त सावधानी अपनाई कुनै पनि जोखिमबाट बच्न सूचना जारी गरेको हो । यसअघि, इरानले ११ दिनअघि सिरियास्थित दुताबासमा भएको आक्रमणमा इजरायललाई दोषी ठहर गर्दै बदला लिने घोषणा गरेको थियो । सो हमलामा १३ जना इरानी नागरिकको मृत्यु भएको थियो । यता, इजरायलले भने आक्रमणको जिम्मेवारी लिएको छैन ।