आगलागीका कारण बेलायतको हिथ्रो विमानस्थल बन्द हुँदा विश्व व्यापी उड्ययन प्रणालीमा व्यापक असर पर्ने अनुमान गरिएको छ । संसारकै सवैभन्दा व्यस्तमध्येको एक विमानस्थल आगलागीबाट प्रभावित भएपछि दशौं लाख अमेरिकी डलर घाटा लाग्ने जानकारहरु बताउँछन् । हिथ्रो अन्तर्राष्ट्रिय विमानस्थल आज पूर्ण रूपमा बन्द हुने भएको छ । 

नजिकै रहेको विद्युतीय सबस्टेसनमा आगलागी भएपछि विमानस्थल बन्द हुने भएको बीबीसीले उल्लेख गरेको छ । आगलागीको कारण अझै पत्ता लागेको छैन । यूरो कन्ट्रोलका अनुसार हिथ्रोले दैनिक १ हजार ३ सय उडानहरू सञ्चालन गर्दै आएको बताइन्छ ।