युक्रेनी राष्ट्रपति भोलोदिमिर जेलेन्स्कीले आफ्नो देशमा रुसले पछिल्लो पटक २ सय वटा ड्रोन आक्रमण गरेको दाबी गर्नुभएको छ ।

उहाँले रुसको लगातारको आक्रमणले किभलाई हवाई सुरक्षाका लागि थप आवश्यकता भएको बताउनुभएको छ ।

आक्रमणबाट भएको क्षतिका विवरण भने सार्वजनिक भएको छैन ।

यता रुसले भने किभकोे ड्रोन आक्रमणबाट खेर्सन क्षेत्रमा नयाँ वर्ष मनाइरहेका कम्तीमा २४ जना रुसी नागरिक मारिएको दाबी गरेको छ ।

रुसले कब्जा गरेको दक्षिणी भूभागमा सो आक्रमण भएको मस्कोको भनाइ छ ।

युक्रेनी हमलाको क्षतिको विवरण खासै सार्वजनिक नगर्ने मस्कोले सो ड्रोन आक्रमणबारे टेलिग्राममार्फत् जानकारी दिएको अन्तर्राष्ट्रिय सञ्चारमाध्यमले जनाएको छ ।

रुस–युक्रेन लगातार एकअर्कालाई आक्रमण गरिरहँदा सो क्षेत्रमा युद्ध अन्त्य भई शान्ति स्थापना हुनेमा आशंका बढ्दै गएको छ ।