पहिरोले पुरिएर २ बालकको मृत्यु
श्रावण ३१, २०७७ | बागलुङ
लगातारको बर्षातपछि खसेको पहिरोमा परेर बागलुङको निसीखोलामा दुई बालकको मृत्यु भएको छ ।
गएराती २ बजेतिर खसेको पहिरोले निसीखोला गाउँपालिका वडा नं. ५ का हिराबहादुर बिकको घर पुर्दा दुई बालकको घटनास्थलमै मृत्यु भएको जिल्ला प्रहरी कार्यालय बागलुङका सूचना अधिकारी प्रहरी नायव उपरिक्षक राजेन्द्र रेग्मीले जानकारी दिनुभयो ।
पहिरोमा परेर हिराबहादुरका छोरा १४ बर्षीय बिरेन्द्र बिक र मामाघर आएका नाती ६ बर्षीय प्रवेश बिकको मृत्यु भएको हो ।
हिराबहादुरकी श्रीमती दिलसरा गम्भिर घाइते भएकी छन् । उनलाई उपचारकालागि प्राथमिक स्वास्थ्य केन्द्र बुर्तिवाङ लगिएको छ ।
घटनास्थलमा इलाका प्रहरी कार्यालय झिंवाखोलाका टोली र स्थानीयले बिहान उद्दार गरेका थिए । घटनास्थल सदरमुकाम देखि १ सय ३० किलोमिटर पश्चिममा पर्छ ।