नेपाली कांग्रेसका नेता शेखर कोइरालाले आगामी फागुनभित्र राष्ट्रपतिको निर्वाचन नभए देशमा अनिष्ट हुने बताउनु भएको छ ।

विराटनगरमा आज प्रेस यूनियन प्रदेश १ को प्रथम अधिवेशनलाई सम्बोधन गर्दै कोइरालाले राष्ट्रपतिको निर्वाचन फागुन २८ गतेभित्र नभए देशमा अनिष्ट हुने बताउनुभएको हो ।

उहाँले संविधान भन्दा माथि नभएर संविधान मातहत रहने राष्ट्रपति मुलुकलाई आवश्यक रहेको बताउनुभयो ।

कांग्रेसले राष्ट्रपतिमा उम्मेदवारी दिएर अघि बढ्ने भन्दै राष्ट्रपतिमा कांग्रेसका उम्मेदवारलाई जिताउन पार्टी सम्बद्ध सबैलाई उहाँले आग्रह समेत गर्नुभयो ।

फरक प्रसंगमा नेता कोइरालाले कांग्रेस जुनसुकै बेला पनि सरकारमा जान सक्ने बताउनुभयो ।