कोहलपुरमा उपचारका क्रममा गएराती मृत्यु भएकी महिलामा कोरोना संक्रमण पुष्टि
असार ३, २०७७ | नेपालगञ्ज
– नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा गएराती मृत्यु भएकी ४३ बर्षिया महिलामा कोरोना संक्रमण पुष्टि भएको भेरी अस्पताल नेपालगञ्जले जनाएको छ ।
मृत्यु भएकी महिला कैलाली लम्की नगरपालिका २ की हुन् । टाउकोमा चोट लागेपछि उनी गएको जेठ ३१ गते अस्पतालमा भर्ना भएकी थिइन् । उनको आइसीयुमा राखेर उपचार भइरहेको थियो ।