बाराको आदर्श कोतवाल गाउँपालिका अध्यक्ष मुस्तुफा अंसारीसहित ५ जना जनप्रतिनिधिहरु नेकपा एमालेमा प्रवेश गरेका छन् । आदर्श कोतवालका अध्यक्ष मुस्तुफा जनता समाजवादी पार्टी परित्याग गरी एमालेमा प्रवेश गर्नु भएको हो । 

मुस्तुफा सहित माओवादी केन्द्र लगायत अन्य पार्टीका चार जना वडाध्यक्षहरु पनि एमाले प्रवेश गरेका छन् । 

आदर्श कोतवाल गाउँपालिकास्थित रामचरित्र माविमा शनिबार आयोजित पार्टी प्रवेश कार्यक्रममा एमाले अध्यक्ष केपी शर्मा ओलीले अंसारीसहित ५ जना जनप्रतिनिधिहरु टीका र माला लगाई स्वागत गर्नुभयो ।