अछामका तीन वटा मतदान केन्द्रमा मतदान स्थगित भएको छ । जिल्ला निर्वाचन अधिकृत मनोज श्रेष्ठका अनुसार पञ्चदेवल बिनायक नगरपालिका–५ लयाटीमा स्वतन्त्र उम्मेदवार पक्ष र सत्तारुढ गठबन्धनका उम्मेदवार बिच झडप भएपछि मतदान हुन सकेन । साँफेबगर नगरपालिका—१३ बाब्लामा पनि मतदान स्थगित भएको छ ।

कांग्रेस—नेकपा एकीकृत समाजवादी गठबन्धनका उम्मेदवार र नेकपा एमालेका कार्यकर्ता बिच विवाद भएको हो । यता, अछामको मेल्लेख गाउँपालिकामा–५ बिन्देबासिनिको जनता मावीको मतदान केन्द्र ‘क’ र ‘ख’ मा बिवाद हुँदा मतदान स्थगित भएको छ । जिल्ला निर्वाचन कार्यालयले तीनै स्थानमा अहिलेसम्म मतदान स्थगित भएको सार्वजनिक सुचना जारी गरेको छैन । स्थगित भएका मतदान केन्द्रमा मतदान सञ्चालन गर्ने विषयमा सर्वदलिय बैठक जारी रहेपनि अहिलेसम्म कुनै टुंगो नलागेको हाम्रा सहकर्मी मेनुका ढुंगानाले बताइन् ।