चितवन निकुन्जको पश्चिम सेक्टरमा दुई वटा गैंडा मृत फेला परेका छन् । पूर्वी नवलपरासीको मध्यबिन्दु नगरपालिका २ सेहरी नजिकै नारायणी नदीको भंगालोमा दुईवटा गैंडा मारेको अवस्थामा भेटिएको जिल्ला प्रहरीले जनाएको छ । प्रहरी उपरीक्षक भुवनेश्वर तिवारीका अनुसार गैंडा मारिएको स्थानमा विद्युतीय तारसमेत फेला परेकाले करेन्ट लगाएर मारिएको अनुमान गरिएको छ ।

एउटा गैंडाको खागसमेत चोरी भएका कारण चोरी सिकारी समूहले गैंडा मारेको हुनसक्ने प्रहरीको अनुमान छ । मरेका मध्ये माउ गैंडाको बहुमुल्य खाग चोरी भएको छ, भने सानो गैंडाको खाग सुरक्षित छ । घटनाका बारेमा अनुसन्धान भइरहेको प्रहरीले जनाएको छ ।