प्रतिबन्धित लागूऔषधसहित बर्दियामा दुई जना पक्राउ
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2023/news/arrested-1673189076.jpg&w=700&height=600)
मंसिर १०, २०८० | बर्दिया
बर्दिया प्रहरीले भारतबाट लुकाई छिपाई भित्राइएको प्रतिबन्धित लागूऔषधसहित दुई जनालाई पक्राउ गरेको छ ।
लागूऔषध नियन्त्रण ब्युरो नेपालगन्ज र बर्दिया प्रहरीको संयुक्त टोलीले गोप्य सूचनाका आधारमा बढैयाताल गाउँपालिका–८ पशुपति बजारबाट १४ ग्राम ९ सय ७० मिलीग्राम लागुऔषध सहित गुलरिया नगरपालिका–११ का ४२ वर्षका कलिम अहम्मद मनिहार र सोही ठाउँका ३५ वर्षिय अयोध्याय प्रसाद धोबीलाई पक्राउ गरेको हो ।
पक्राउ परेकाविरुद्ध थप अनुसन्धान सुरु गरिएको जिल्ला प्रहरी कार्यालय, बर्दियाका सूचनाका अधिकारी डिएसपी तुलसीराम अधिकारीले बताउनुभयो ।