मुगुमा मातृ मृत्यूदरमा कमी आएको जिल्ला स्वास्थ्य सेवा कार्यालयले जनाएको छ । 

साउनदेखि माघ मसान्तसम्म मातृ मृत्यूदरको संख्या शुन्य रहेको जिल्ला स्वास्थ्य सेवा कार्यालयका निमित्त स्वास्थ्य सेवा व्यवस्थापक डा. कमल ढुंगानाले बताउनुभयो । सुत्केरीका लागि भरपर्दो प्रसुती सेवा प्रदान भएपछि मुगुमा मातृ मृत्यूदरमा कमी आएकोे उहाँको भनाइ छ ।

 आफनो शरिरको अवस्थालाई ध्यानमा राखि घरमा सुत्केरी हुनेको संख्या घटेर स्वास्थ्यचौकी र अस्पतालमा सुत्केरी हुनेको संख्या बढेको छ ।

 गत साउन देखि फागुन ४ सम्म जिल्ला अस्पतालमा मात्र सुत्केरी हुनेको संख्या १ सय ४५ रहेको जिल्ला अस्पतालकी नर्सिङ्ग निरिक्षक सुनिता शाहीले जानकारी दिनुभयो ।

 मुगुको चार वटा स्थानीय तह र जिल्ला अस्पतालमा गरी प्रसुति गृहको संख्या ३२ वटा रहेको जिल्ला स्वास्थ्य सेवा कार्यालयले जनाएको छ ।