आगलागीबाट मोरङको रंगेली नगरपालिका–३ बाबुसाहेब टोलको सन्थाल बस्तीनै सखाप भएको छ ।

शनिबार अपराह्न लागेको आगलागीबाट२२ घर जलेर नष्ट भएको जिल्ला प्रहरी कार्यालयले जनाएको छ । 

प्रहरी नायब उपरीक्षक रञ्जन दाहालका अनुसार आगलागीबाट मानवीय क्षतिभने भएको छैन ।

स्थानीयका अनुसार बस्तीमाथि रहेको बिजुलीको तार सर्ट भएर जंगली सतारको घरमा आगो सक्लिएको थियो ।

आगो अन्यत्र फैलिएसँगै बाँस र खरको छानो छाएको बस्तीनै सखाप भएको स्थानीयले बताए ।

यसअघि पनि बिजुलीको तार सर्ट भएर बस्तीमा आगोको झिल्का पटक पटक झर्दा स्थानीयले निभाएका थिए ।

प्रहरीका अनुसार आगो लागेको चार घण्टापछि निभाइएको थियो ।