राजनीति उथलपुथल हुँदा कर्मचारीले काम गर्दैनन्ः मुख्यमन्त्री चौधरी
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/Messengercreationec83f3ba4cc345f2b9f23e6c63351721-1712060942.jpg&w=700&height=600)
चैत्र २०, २०८०
लुम्बिनी प्रदेशका मुख्यमन्त्री डिल्लीबहादुर चौधरीले देशमा राजनीति घटनाक्रम उतथपुथल हुँदा स्थानीय सरकारको प्रशासन कमजोर भएको बताउनु भएको छ । लुम्बिनी प्रदेश योजना आयोगले देउखुरीमा गरेको दोस्रो आवधिक योजनाको आधारपत्र सार्वजनिक गर्दै उहांले यस्तो बेलामा कर्मचारीले काम नगर्ने बानीले संघीयता कार्यन्यवनलाई टेवा दिन नसक्ने बताउनुभयो ।
केन्द्रमा सत्ता समीकरण परिवर्तन हुँदा कर्मचारीले काम नगरेकोप्रति उहांको संकेत थियो । केन्द्रमा सत्ता फेरिँदा प्रदेश पनि अछुतो नरहने र सत्ता परिवर्तनले कामलाई असर परेको उहांको भनाई थियो । छ जिल्ला पहाड र छ जिल्ला तराई रहेको लुम्बिनी प्रदेश आर्थिक रुपले समृद्धि र सम्पन्न प्रदेश बनाउन निरन्तर योजनाबद्ध रुपमा सरकारले धेरै काम गरेको उहांको दाबी थियो ।