पहिरोले जोखिम निम्त्याएपछि पाँचथरको याङ्वरक गाउँपालिकाका दुई वटा वडाबाट ९६ घर परिवार विस्थापित भएका छन् ।

याङवरक गाउँपालिका वडा–२ का ४२ र वडा–३ का ५४ घर परिवार विस्थापित भएका हुन् ।

वडा–३ का अध्यक्ष विमल राईले निरन्तरको वर्षासँगै पहिरोको जोखिम बढेपछि ती स्थानीयबासिन्दाले विभिन्न स्थानमा आश्रय लिइरहेको बताउनुभयो ।

पाँचथरका प्रमुख जिल्ला अधिकारी विष्णुप्रसाद कोइरालाले ४९ घर परिवारलाई राहत दिनुका साथै क्षतिको विवरण संकलन भइरहेको बताउनुभयो ।