रोल्पामा दुई दिनदेखि टेलिफोन र इन्टरनेट सेवा अवरुद्ध छ । रोल्पासम्म इन्टरनेट सेवा अवरुद्ध भएकाले सेवा प्रवाह गर्न नसकिएको नेपाल टेलिकम रोल्पा कार्यालयले जनाएको छ ।

कार्यालयका अनुसार दाङको भालुबाङ र लमही क्षेत्र आसपासमा इन्टरनेट जडान गर्ने फाइबरमा समस्या देखिएको हो । अविरल वर्षाले सो क्षेत्रमा सडक भत्कीएर इन्टरनेटको पोलमा क्षति पुगेपछि सेवा अवरुद्ध भएको हो ।

फाइबरमा समस्या आएपछि टेलिकमले वितरण गरेको ल्यान्डलाइन र फाइबर लाइनमा सेवा पूर्ण रुपमा बन्दभएको हो । नेटवर्कमा समस्या आउँदा मोबाइल फोनमा समेत समस्या देखिएको हाम्रा सहकर्मीले जनाएका छन् ।